Serom

Tarserom didok di hata Batak, tersenyum, smile, dohot angka na asing didok menurut bahasana be. Ido apala na hot diroha umbahen pola binahen songon on. Godang dalan mambahen tarserom jolma, alai tutu gumodang dope dalan mambahen muruk. Da i do tahe? Jadi na mambahen tarserom ma si torushonon, mambahen muruk unang be diulahon antong. Asa on ma jolo rukani sada dalan laho tarserom.

Di na saulak, pajumpang ma di dalan sahalak na pitung dohot sahalak naso pitung. Naso pitung on, mardalan humalaput hira dilele pananggai rupani. Ndang naggo dibereng dalanna. Ditumpur ma antong na pitung i. Gabe tarsonggot ibana, ala adong hape jolma dijolona i. Ai sai tupudi do matana mandiori atik begu aha mangalele ibana.

Didok na pitung i ma: "napitung do huroa amanta on, dang dibereng jolma manang didia," ninna. Ro ma amanta on dibereng na pitung do hape, gabe didok: "Ho do na pitung, didok ho au na pitung", ninna. Alai dialusi na pitung i mandok: "Ai molo so pitung do ho, dang tumpouronmu au, napitung doho ai dang dibereng ho aha na dijolom," ninna. Ro ma amanta on, dipikkiri ma tutu nidok ni na pitung i, Gabe sip ma ibana lao huhut tarserom.